عجينه تحفه ومجربه ومضمونه للفطاير والبيتزا

العجينه تحفه خفيفه وطعمها رائع عملت منها فطاير حشتها جبنه وعملت منه بيتزا
2 كوب دقيق
2م ك سكر
2 م ك حليب بودره
فنجان صغير زيت
ذرة ملح
1 ونص م ك خميره بيره
ماء دافىء للعجن
الطريقه
الخميره مع ميه دافيه وشويه سكر نخلطهم كويس ونضيف شويه دقيق ونسيبهم 10 دقايق يخمرو
نخلط الدقيق والسكر والحليب البودره والزيت ونضيف عليهم الخميره اللى عملناها ونعجن بالميه الدفيه لحد لما العجينه ما تتكور وكل ماتعجنى حتعاطيك نتيجه احسن تلاقي العجينه طريه
نسيبها فى مكان دافى ونغطيها انا بدفى فرن ونسيها لحد لما تزيد وتخمر كويس
نقطعها زى محنا عايزين ونحشيها بالجبنه او الحشوه اللى عيزنها وبعد لما نشكلها نسيبها تخمر شويه وبعد كده ندخلها الفرن
ملاحظه مهمه جدا الفرن يكون هادى جدا لان الفطاير بتستوى بسرعه نهدى عليها علشان متنشفش من تحت وتستوى كويس مش بتاخد وقت فى الفرن
انا عملت من العجينه دى البيتزا وكانت جميله جدا يارب تعجبو
والسلام